အုတ်ကျစ်ကျော်အေး

ဦးခန္တီရဲ့ မေတ္တာရိပ်နဲ့
ငါ့ရဲ့မန္တလေးမဟုတ်တဲ့
ငါ့ရဲ့ မန္တလေး
အလှမ်းမဝေးပေါင် မန္တလေးတောင် တဲ့
ဆရာတင် ရဲ့ မန္တလေး
ရေညိုညို ရစ်ခတ်သန်းတော့
ရွှေမန်းတောင်ရိပ်တူတူခိုမယ့်
မြို့မငြိမ်းရဲ့ မန္တလေး
ဦးအံ့ကြီးရဲ့ မန္တလေး
ဈေးချိုတော် နဲ့ အာဇာနည် ၁၇ ဦးအကြောင်း
နာရီစင်ကြီးရဲ့ လက်တံတွေက
ညွှန်းဆို ပြောပြနေလေမလား
တမေ့တမော ငေးကြည့်ခဲ့ရတဲ့ မန္တလေး
အုတ်တစ်ချပ်တိုင်း သမိုင်းတစ်ပွင့်ပွင့်တယ်
နန်းမြို့ရိုးအတွင်းသားထဲက အသံတွေ
လှိုင်းအလျား ဘယ်လောက်နဲ့ တုန်ခါလွှင့်ထုတ်နေမလဲ
ဖမ်းယူ စူးစိုက်ချင်မိတဲ့ မန္တလေး
ရွှေဥဒေါင်း
ဒေါ်အမာ
စသဖြင့် စသဖြင့်
စသဖြင့်တွေအများကြီးနဲ့ မန္တလေး
သူ့အကြောင်းပြောရင် လေးမြတ်ချစ်ခင်တဲ့စိတ်ကို
လေသံတွေ ဖိ ဖိပြီး ပြောရမယ့် မန္တလေး။

ခုတော့..
မန္တလေးဟာ မန္တလေးကို ပြန်မှရပါ့ဦးမလား
မန္တလေးကိုယ်တိုင် မေးယူနေရတဲ့ မန္တလေး
မိုး ဆို တရုတ်ဖြစ် ထီးနဲ့ မိုးကာနဲ့
ဆောင်းဆို တရုတ်ဖြစ် အနွေးထည်နဲ့ ခြုံစောင်နဲ့
ပူအိုက်ရင်တောင်မှ တရုတ်ဖြစ် နွေ လားလို့
ထိတ်လန့်ယူရမယ့်
လေသံတွေ ၀ဲ ၀ဲ လာတဲ့ မန္တလေး။

မန္တလေးဟာ သွားရည်ယိုနေသူတွေအတွက်တော့
အဆီတ၀င်းဝင်းနဲ့ အသားတစ်တုံးပဲ
တစ်ပါးသူတွေရဲ့လက်ဆီ
ခုတ်ထစ်ကြော်ကျွေးခံရ
အုတ်ကျစ်ကျော်အေး
မန္တလေး။

နွေရိပ်
နှစ်ဆယ့်သုံး၊ မတ်၊ နှစ်ထောင့်ဆယ်လေး။