သူ့ကမ္ဘာဟာရောက်လာတော့တာပဲ
မှတ်မှတ်ရရ
အပျော်တွေဆက်နေလိုက်တာ
အောင်စာရင်းမှာ အဖေ့နာမည်လည်းပါတယ်
နောက်တစ်နေ့မှာ ဂိမ်းစက်ကလေးတစ်ခု
ကိုယ်ပိုင်ရှိနေတဲ့ကောင်လေးတစ်ယောက်ဟာ
မှိုရတဲ့အခါ သိပ်ပျော်တယ်
အုတ်ခဲတွေကို ခေါင်းနဲ့ဝင်ဝင်တိုက်ပြီး
ခုန်ပေါက်မြူးထူး
အကောင်လေးတွေ၊သစ်ပင်ပေါ်ကအသီးတွေကို
ခဲနဲ့ပစ်ပေါက်တာလည်း ဆူမယ့်သူမရှိဘူးလေ
ဆပ်ကပ်ထဲက ဇာတ်လိုက်ကြီးလိုပေါ့
မီးကွင်းတွေကို ခုန်ခုန်ကျော်
မြင်းကို ဒုန်းစီး
တစ်ခါတစ်ခါ ရမ်ဘို
တစ်ခါတစ်ခါ တာဇံ
သူ့ဘေးမှာ အခြွေအရံတွေမှ ပေါလိုက်တာ။
ထမင်းမေ့တယ်
ဟင်းမေ့တယ်
တစ်ခုပဲ
ဝမ်းနည်းစရာကောင်းတာက
မနက်လင်းလို့
အိပ်ရာကနိုးပြီဆိုတာနဲ့
အဲဒီဘ၀လေးပါ မေ့ပစ်လိုက်ရတော့တာ
ကြာကြာလည်း ၀မ်းမနည်းအားဘူး
မျက်ခွံတွေကို ဘယ်ညာအပြန်ပြန်ပွတ်
အိပ်မက်လေးကို Pause လုပ်ပြီး
အစာအိမ်ကို လေကောင်းလေသန့်ရစေမယ့်
နောက်ဖေးလမ်းကြားတွေဆီ
အပေါင်းအသင်းတွေမဦးခင်
အသည်းအသန် သုတ်ရတော့တာပဲ
ဘူးခွံတွေများများစားစားရတဲ့နေ့ဆို
သိပ်ပျော်တယ်
အမှိုက်ပုံတိုင်းကို တုတ်တစ်ချောင်းနဲ့ထိုးဆွပြီး
တစ်နေ့စာ
ဒါမှမဟုတ်
တစ်နပ်စာ သိုက်ကိုတူးရတယ်
နှာခေါင်းရှုံ့မယ့်သူတွေနဲ့
မသင်္ကာလက်ညှိုးတွေ၊မျက်လုံးတွေကို
ဝေးဝေးကရှောင်ဖို့တော့
စိတ်ထဲက ဒဏ်ရာတွေက
ယောင်ကိုင်းနာကျင်စွာ သင်ပေးပြီးသား
တကယ်တော့..
သူ အပါအဝင်ဖြစ်တဲ့
စွန့်ပစ်ပစ္စည်းတွေဆိုတာ
နေရာလွဲနေသေးတဲ့ တန်ဖိုးတစ်ခုပါလို့တော့
ပြန်ပြောချင်တာပေါ့
ဒါပေမယ့်
ဝမ်းတကြုတ်ကြုတ်က ပြောမအားဘူး
ကော်ဘူးခွံလေးတွေများတွေ့မလား
အမှိုက်တွေကြားထဲက ခေါင်းထောင်နေတဲ့
ဘီယာဘူးခွံတွေ၊သံအတ်ိုအစတွေက
လက်ယပ်ခေါ်လေမလား
မျက်လုံးတွေညောင်းလာတဲ့အထိ
ခြေထောက်တွေတိုဝင်ကုန်တဲ့အထိ
တစ်နေကုန်ပေါ့
လမ်းသလားရတယ်
သူ့အတွက်
အပျော်ဆုံးအချိန်ဟာ
အိပ်ရာဝင်ချိန်ပဲ
လမ်းဘေးကကောက်လာတဲ့
စက္ကူအပိုင်းအစတွေခင်း
အမှိုက်ပုံကြားကဆွဲလာတဲ့
ဂုန်နီအိတ်အစုတ်အပြတ်ကိုခြုံလို့
လူရှင်းတဲ့ လမ်းကြားနေရာတွေဟာ
သူ့ရိပ်မြုံပေါ့
ကိုက်ခဲနေတဲ့ခန္ဓာကိုယ်ကို
နေသားတကျ ဝုန်းခနဲပစ်ချမယ်
အရသာအရှိဆုံးနဲ့ သူအနှစ်သက်ဆုံးအလုပ်
ဝှားခနဲတစ်ချက် သမ်းဝေမယ်
ပြီးရင်..
လူမမြင်အောင် တစ်နေ့လုံး
သူ့အတွေးထဲ ထည့်ဝှက်ထားရတဲ့
ဂိမ်းခလုတ်လေးကို ဆွဲထုတ်
မနက်ရောက်တိုင်း
အဲဒီခလုတ်ကလေး ပျက်ပျက်ပေးရမှာသိသိနဲ့ပဲ
Start ခလုတ်ကို နှိပ်လိုက်တယ်
မှေးခနဲတစ်ချက်မှာ သူ့ကမ္ဘာဟာရောက်လာတော့တာပဲ
ကြားဖူးနားဝ အပျော်အရွှင်များနဲ့။
နွေရိပ်
မေ၊ နှစ်ထောင့်ဆယ်လေး။
မေ၊ နှစ်ထောင့်ဆယ်လေး။
No comments:
Post a Comment
Note: Only a member of this blog may post a comment.